Mit Humor geit alles besser

I ihrem 10. Mundart-Büechli überrascht üs d Erfolgsschriftstellere Rosmarie Stucki mit 12 wytere spannende Gschichte. Wie üeblech verzellt üs d Rosmarie Stucki ungerhaltsam vo Erläbnis u chlynere Unfäll uf iri eigeti witzegi Art. Iri Gschichte us em Läbe vo ire u irer Familie u Fründe si nie längwylig. Im Gägeteil erinnere mir üs plötzlech ume, was mir vilech sälber mal erläbt hei, villech o fasch ds Flugzüüg verpasst oder id Ferie greist sy. Mir bsinnen is zrügg a ne Zyt mit weniger Elektronik u Müglechkeite, wo üsi Ching mache z stuune, wi angers üsi elteri Generation – ersch no Generatione drvor – e Läbtig gha hei. Was me zum Byspiil gmacht het, wo’s no ke Näimaschine oder Binde ggä het, blutt sy verpöhnt isch gsy u me nid emal schwanger het dörfe sy wi me het wölle. Bi all däm het sicher e Prise Humor o nid gschadt. Mir wünsche viu Vergnüege bim Wiedererchenne u Schmunzle u – wi gseit – nämet’s mit Humor. Das Büechli enthaltet folgendi Gschichte: – Mit Humor geit alles besser, – Bärndütsch, – Überraschige bim Näje, – Ine stäche ume schla, – Joggeli, – Phobie, – Gfloge, – Go West, – Froueproblem, – Blüttle, – Üebe, üebe, – Wandere mit Nachwürkige